03 November 2018

උන්ගේ සබන් ගා අපි නා ගැනීම ....පිස්සු ලාබයි සීසන් 2


පප් පප් ටින්කිරි කිරි කිරි පප් පප් 

ආයුබෝවන් ,  දිගු කාලයක විරාමයකට පස්සේ අපි හමු වෙන්නේ ඔබේ හදේ  රැඳුනු කාලීන  ව්‍යාපාරික වැඩසටහනත් සමග .. පිස්සු ලාබයි ...සීසන් 2 ...වොයිස් කට්ස් ..

ඉතින් අපේ බලාපොරොත්තුව එදා මෙන්ම , අලුත් අලුත් නිෂ්පාදන වෙළඳ පොලට ගෙන එන ව්‍යාපාරිකයන් ඔබ වෙතට ගෙන එන්නයි.  අපි ගියා කොළඹ වටේ , ඇහුවා ප්‍රශ්නයක් ... කොහොමද පිස්සුව .. සමාවෙන්න බිස්නස් 

(පදික වේදිකාවක , බෑග් එකක් කරේ එල්ලාගෙන සිටින සේල්ස් රෙප්  මහතෙක් තිරයේ දිස්වේ)

කියන්න මොනවද මේ දවස් වල විකුනන්නේ ?

අපි කරන්නේ සබන් බිස්නස් තමයි 

ඇයි  සබන් ම  තෝර ගත්තේ ?

මොකද අපේ ලංකාවේ කට්ටිය නාන්න හරි කැමතියිනේ 

බලමු මොනවද තියෙන්නේ කියලා 


මේ තියෙන්නේ අපේ ඕල් ටයිම් බෙස්ට් සෙලර් ප්‍රොඩක්ට් එකක් ...දෙසා ප්‍රේමි කාබෝලික් සබන් ... ගාලා නා ගත්තම මාර ගැම්මක් එන්නේ 

කෝ බලන්න .. හප්පා සැර කෙලින්ම කුඩා මොලේටම වදින්නේ .. වෙන මොනවද තියෙන්නේ 

මෙන්න මේ සිනිඳු සමට , යහ පාලි බේබි සොප් 

හරිම ප්‍රබෝධාත්මක රිෆ්රෙෂින් පුසුඹක් ... වෙන වෙන 

මේක අපේ අලුත්ම ප්‍රොඩක්ට් එක .. රෝස වසන්තේ ප්‍රජාතන්ත්රිකා ....

දැන් මේවා ඔක්කොම දේශීය නිෂ්පාදන ද ?

ඔව් ඔව් සීයට සීයක්ම 

කෝ බලන්න ... මේඩ් ඉන් ඉන්ඩි ..?

කෝ කෝ ඕක දෙන්න මෙහාට .. ඕක ප්‍රින්ටින් මිස්ටේක් එකක් ..මෙන්න මේක බලන්නකෝ 

මේඩ් ඉන් චයි ..?

කෝ කෝ ඕකත් දෙන්න මෙහාට ... මේ මාද්‍යටත්  ඕනේ නැති දෙයක් නෑනේ    (ඔහු පෑනක් ගෙන මොනවදෝ ලේබලයේ කුරුටු ගායි )... ඔන්න දැන් හරි ..  ශ්‍රී ලංකා කියලා ලිව්වා 

ඒ වුනාට මේවා දේශීය  නෙමෙයි නේද 

මෙහෙමයි මහත්තයෝ සබන් වෙන රටවල වුනාට  නාන වතුර අපේ නේ 


(නැවතත් මැදිරියට ... )

අපට අද ලැබී ඇති කාලය එපමණයි .... නැවතත් හමුවෙන තෙක් මතක තියා ගන්න ... හැමදේම බිස්නස් එකක් 
.... හැමෝටම තියෙනවා මිලක් .... ඒ වුනාට පිස්සු ලාබයි....


පප් පප් ටින්කිරි කිරි කිරි පප් පප් //

5 comments:

  1. මේ දවස්වල විකිනෙන්නේ ජඩකම සහ දීනත්වයයි.

    ReplyDelete
  2. නුඹ නාඩන් අපිට පිස්සු

    විකාරක දියණිය

    ReplyDelete
    Replies
    1. ඔන්න ආවා මිනීමරු දියණිය රට හදන්න තොපිට පිස්සු හැදිලා හෙනම ගහපිය !!!!!

      Delete

Have commented