අතු අග
වසත් කළ පිපි
චෙරි මල්
පෙන්නන්න
මම උනිමි බලා
ගිම්හානයේ අග
ගොම්මන කාන්දුවට පෙර
රතු වළා සිතුවම්
පෙන්නන්න
මම උනිමි බලා
පත් හැලි වියැකෙන
සරත් සෘතුවත්
ඇවිදින්
නොදැනීම
උයන් කොණ
බංකුවේ
ඉඩ තියන්
හිඳිමි මම
තවමත්
මේ ඡායාරූපය ගත්තේ සියාන් හි ටෙරාකොටා සොල්දාදුවන් බලන්න යන මග . මම සාමාන්‍යයෙන් පාවිච්චි කරන කැමරාවේ තතු දාන්නේ නෑ. නොමිලේ මොකටද ඇඩ්වටයිස් කරන්නේ. ඒත් මේක ගත්තේ දුරකතනයක කැමරාවෙන් කියලා විතරක් කියන්නම්. ඡායාරූපයකට කැමරාව අදාළ නෑ. අනෙක් අතට මම post prodcution ගැන බලන්නේ ඉතාම සුභවාදීව. මට එය නිර්මාණශීලිත්වයේම කොටසක්
අපි හැමෝටම ඔහොම බලන් හිටපු දවස් හෝ බලන් ඉන්න වෙන දවස් තියෙයි නේද?
ReplyDeletepost production නැති නම් අපි දකින ගොඩක් පින්තුර වල ඔය පේන ලස්සන නෑ.. ඡයා රූප තරඟ වලදීත් යම් ප්‍රමාණයකට එඩිට් කරන්න අවසර තියෙනවා.