මේ අම්මා .......

අතට  පලා නෙලා ගෙනේ 

 දරුත් බරත් දරා ගෙනේ 

වතට සිනාත් නගා ගෙනේ 

මේ අම්මා....

තේ වතු අතරින් දිග ඇරුණු තාර පාරක් අයිනේ  ...කොහෙන්දෝ නෙලා ගත් ගොටුකොල මිටියක් විකුණා ගන්න අදුර වැටෙන්නට කලියෙන්...රෑ බත සරි කරන්නට ...
බඩගින්න , වේදනාව , තෙහෙට්ටුව කෙතරම් වුවද ,  සිනහව අවැසිය වෙළදාමට ....

An alternate Universe

Universe is a
rinsed out  sheet
hung to dry
on a clothes line
(scars of evolution
 apparent
on it’s well worn fabric)
soaring in the ocean’s sigh
then lull for a moment
to catch it’s breath

The firefly’s
 a star ,
a galaxy,
(even a super nova
if you wish )
crawling slowly
on the surface
hung out to dry
it’s feet stuck
(all six of them )
to the moist pull
of gravity
trace of that last rinse
foiling it’s try of flee

After an eternity
of  crawling
slowly
 to the edging
(the end
as it sees  )
the reality
hit’s
it’s insect mind
there’s
another infinite  stretch  of sheet
 on the other side
only  a fabric thick’s away
yet
another
whole new universe

PS:
Yes,  two post on the same mental picture . Because one was not sufficient....

සමන්තිගේ සමාන්තර විශ්වය

සමන්ති අද බර කල්පනාවකය . සමහර විටක ඇය එසේය  . 
වෙනදා වාගේම අපි මේ කෙටි තාප්පය මත හිඳ  ගෙන සිටින්නෙමු .  සමන්තිට නයිට් ශිෆ්ට් වැටුන නැති දවස් වලට අපි මෙතනට එන්නේ කතාකරන්නටය . කතාව කෙසේ වුනත් , වැඩි වෙලාවක් අපි කරන්නේ මුහුණෙන් මුහුණ බලා සිටීමය . තාප්පයෙන් එහා පැත්තේ සොහොන් කොත් හැරුනාම මෙතන මරු තැනකි . නිස්කලංකය .කොල්ලෝ බෝල ගහන්නේ, අන්නාසි කාරයෝ වාතයක් වෙන්නේ නැත . කළුවර වැටුනාම තාප්පයෙන් එහා පැත්තේ සොහොන් කොත් වල  මූසල ගතිය වුවද අඩුය.  
  
සුළඟට සමන්තිගේ කෙහෙ රැල්ලක් , නළලත රඟන්නීය. සමන්ති තවමත් අහස දිහා බලාගත් වනමය . අමාවක අහස පුරා තරු ඉසිරී  ඇත .
සොහොන් කොත් දෙකක් අතර ඇඳි කොහු ලනු රෙදි  වැලක , සරමක් වේලෙන්නට වනා ඇත .  
 වැනු සරමේ කනාමැදිරියෙක් හෙමින් ගාටන්නේය .  
  
"තනි තරුවේ ....ඔබත් ඔතන ඔහොම ඉන්න ...මමත් මෙහෙම මෙතැන ඉන්නවා "  විජයගේ ගී හඬ හිසේ දෝංකාර දෙයි . 
  
"සමන්ති , මොනවද ඔච්චර කල්පනා කරන්නේ " , මගේ ඉවසීම කෙටිය . 
ඇයට කල්පනා කරන්නට බොහෝ දේ ඇත .   ඇගේ සහ මගේ නොගැලපෙන ලෝක දෙක  . උසස් පෙළ සමත් වුවද , ඇයට පියගැනිය නොහැකි වූ ඒ ලෝකය .  පේලි පේලි මහන මැෂින් වලට එපිට  ඇගේ අනාගතය. උපාධියක් අතේ තියාගෙන ලතැවෙන මගේ අනාගතය .

"අහසේ තරු කොච්චර ඇත්ද ?" . ඇගේ ඇස කොනේ කඳුළු බින්දුවක් දිලිසේ. මම මේ යථාර්තයට අකමැත්තෙමි . ඇගේ කෙටි වාක්‍ය අතරේ මාගේ පාණ්ඩිත්‍ය නිහඬ වෙයි.

"ඒ උනාට එකක් පොළොවට වැටිලා " මම,  සරම් අවකාශයේ ගාටන කනාමැදිරි තරුව දෙසට ඇඟිල්ල දිගුකරමි .....ඇගේ මුහුණේ සිහින් සිනාවක් ඇඳේ. 

"සමන්ති , මේ තරු අස්සේ කොහේ හරි තැනක ,  මීට සමාන්තර විශ්වයක , ඇති තැනක්...අද රෑ අපි දෙන්නා සතුටින් කතාකරන ". 

"සමාන්තර විශ්වයක් ...?"

" ඔව් අර සමනල විප්ලවයේ වගේ ..මර්වින් මහන වෙන ....මාලක අම්බානකට ගුටි කන ......,මමඅර දවසක කිව්වේ බ්ලොග් එකක් ගැන ...දවසක මම ලැප් එක ගෙනල්ල පෙන්නම් .."

හමන මද සුළඟට , වැලේ  සරම ලෙල දෙන්නේය . කනාමැදිරියා සරමේ කොනටම අවුත්ය .

"ඔය සල්ලි නාස්ති කරන්න එපා , ඔය ඉන්ටෙර්නෙට් කාඩ්  වලට ...මට පඩි හම්බුවෙන්න තව සති දෙකක් තියෙනවා " . ඇය පාගිල්ලෙන්  වැල්ලේ සිතුවම් අඳින්නිය .

මා සිතේ මහා බරක් එල්ලෙයි .. මහා ස්නේහයක් , මහා නයගැතිකමක්, මහා වැරැද්දක් කළා යයි හැඟීමක් ...හෙමින් හෙමින් කාන්දුවී ...මනස පිරි යයි .

මම,   අතරමන් වූ තරුව සොයමි ...ඌ සරමේ එහා පැත්තට ගොසින්ය ...."තරුව ගිහින් වගේ "

" නෑ ඌ ගිහින් සමාන්තර විශ්වයකට " ..ඒ හඬේ මට තේරුම් ගත නොහැකි මොකක්දෝ බරක් ...උගේ එලිය යාන්තමට තුනී තිරය තුලින් පෙනේ .

ප ලි 
මෙය කෙටි කතාවක් නොවේ .  දිගම දිග කතාවක මැද හරියයි . 
සමාන්තර විශ්වයක් යනු වැනු සරමේ එහා පැත්ත වැනිය ....අපි ජීවත්වන යථාර්රතයට අප පතන යථාර්තය එතරම්ම ළඟය ... 

නිව් නදී අයිස් ක්‍රීම්

හිතුනා ඡායාරූපයක් දාන්න අද ....නිව් නදී අයිස් ක්‍රීම් 
ස්ථානය- පොලොන්නරුව ...දිනය-හරියටම මතක නැත 

On a day like today..

On a day like today 

I could close my eyes 

and dream of  a tiny star

dying
slowly 
in a lonely nook
of a distant galaxy 

While the walls
that kept your composure
crumble
The light 
that burnt
within thy heart
escape
to the nothingness

On a day like today
I open my eyes
and know
that even though I see you
You’ll be already
gone

Today I walked in your town

I walked through the streets of your town.
today
Changing the picture in my mind
from an old post card
from a vinyl record sleve (with John , George Paul & Ringo )
 at every turn
I think I finally got it ,
things thing ...the cultural melting pot .
when  I saw the oriental girl
 pick the coin
that african middle aged lady ,pushing a pram
dropped
 Their fingers touched slightly
and both smiled

I smelled the smells
 Saw the long dark shadows ,
 heard the whispers
behind the illuminated images
I have onlyseen
 projected on to a white screen
until today

ප්ලේන් ටී ශ්‍රී ලාංකිකත්වය

ගුවන් තොටුපොළේ පෝලිම විනාඩි හතලිස් පහක් දිගට ඇදුනි .

ටැක්සියක සොයා ගැනීම එතරම් අපහසු නොවුවත් , එය ඉරිදා දිනයක් වූ බැවින්  වාහන තදබදය මැදින්  ගාට ගාට නගරයට ඒමට පැය 2ක් පමණ  ගත විය .   

හෝටලේට ආ මට අවැසි වුයේ හැකි ඉක්මනට කාමරයට ගොස් ඇඟ පත සෝදා විඩා හැරීමටය. එතනත්  check in කිරීමට පෝලිමකි . ටික වෙලාවකින් මගේ වාරය පැමිණිනි . 

කවුන්ටරයේ ඉන්න තරුණයාගේ නම ......නාතන් බව මා ඇස ගැටුණි . මේ නගරයේ ශ්‍රී ලාංකිකයන් බොහෝ ජීවත් වන බව මා දන්නා නිසා මෙය මට අරුමයක්  වුයේ නැත . . 

මම :  I have a reservation                               (මගේ නමට කාමරයක් ඇති )

ඔහු :What is your name sir                             (ඔබේ නම කුමක්ද )

මම   It’s ...................

ඔහු :Oh Are you Sri Lankan                           (ලංකාවෙන්ද )

මම :Yes , my name is a dead give away isn’t it? (ඔව් , මගේ නම නිසා හංගන්න අමාරුයි නේද )

ඔහු :Could n't recognize with your name . It is not Sri Lankan like Perera or Fernando .
        But I thought as much with your accent , it sounds Sri Lankan .
        Are you a Sinhalese or  Tamil

(මට නමින් නම්  එක පාරටම හදුනන්න බැරි උනා. එය පෙරේරා , ප්‍රනාන්දු වගේ ලංකික නමක් නෙමෙයි නේ 

හැබැයි ඔබ කතා කරන විදිය ලංකාවේ වගේ . ඔබ සිංහලද දමිලද .)

[මේ මොකාටද එන්න හදන්නේ ....මගේ සිතේ සියුම් කෝපයක් නැගෙනු දැනේ ....මම මොහුට පිළිතුරු දීමට පඩි වදනක් සිහි කරමි . ශික් හදිස්සියට මොකුත් ඔලුවට එන්නේ නැත .]

මම : I am Sri Lankan                                (මම ශ්‍රී ලාංකික )

But are you Sinhalese or Tamil                 (ඒක හරි , හැබැයි ඔබ සිංහලද දෙමළද )

[රස දිය කඳ රතු කට්ට පසු කර ඇදී යයි ....දිගු හුස්මක් ගන්න..හෙමින් ගණන් කරන්න.  දහය, නවය, අට ....]

මම : I am Sri Lankan                               (මම ශ්‍රී ලාංකික) 

ඔහු :My parents are from Sri Lanka . I was born here ..I am of course a Tamil  

         (මගේ දෙමාපියන් ශ්‍රී ලංකාවෙන් , මම ඉපදුනේ මෙහෙ... මම නම් දමිල)

මම :Well my friend good for you..                (ජයවේවා මිත්‍රයා )

 එතනින් එහාට කියන්නට මට බොහෝ දේ තිබුණි . . එනමුදු ඔහු ගේ මුහුණේ ඇදුනු , ඔහු සිතේ නැගුන විපක්ෂිත බව   ඔහුට  ඉතුරු කර,  යතුර ගෙන කාමරයට පිය නැගීමි. 

මෙහි එතරම් බර සංවාදයක් නැත , මා මුහුණ පෑ සිද්ධියක්  පමණි . ඔහු ගේ කතාව කුමක් දැයි මම නොදනිමි . ඒ බැවින් නිගමන වලට පැමිණීම අසාධාරණය .මින් මට හෝ මගේ ආකල්ප වලට අත්වූ ජයක් නැත . සතියකින් පසු මම නැවත ආමි. ඉංග්‍රීසියෙන් හිතන ඔහු තවමත් දෙමල වෙන්නට ඇති (මෙහි සිටින බොහෝ අයට, මෙහි දිගටම සිටීමට,  ඔවුන් ශ්‍රී ලාංකිකයන් නොව දමිළයන් වීම වැදගත්ය) ...

 සිංහලෙන් හිතන මම ශ්‍රී ලාංකිකය..    

**************************************************************************************************

සයුරින් එතෙර ජීවත් වන බොහෝ දෙන ලංකාවේ සුවඳට ආදරේය,කෑදරය.

 ලංකාවේ කඩේකට කන්න යන්නේ.  එකම සින්දු පොත් පෙරලා පෙරලා , එකම සින්දු කියන්නේ . සිංහලෙන් බ්ලොග් ලියන්නේ :) එබැවිනි .

මේ සාදය සංවිධානය වුයේද එබැවිනි. 

පරිප්පු, පොල් සම්බෝල , කුකුල් මස් කරි සමග පාන් ...කොහොමද ආහාර වට්ටෝරුව ..

ශ්‍රී ලන්කන් ක්‍රිකට් ටී ෂර්ට් ඇඳ අපි දේශ ආලයෙන් මත් වී සිටියෙමු . 

කතා බහනම්  සුපුරුදු මාතෘකාමය .

ක්‍රිකට් ( කොල්ලෝ හොඳට ගහනවා ...හැබැයි තිසරව උඩින් එවන්න ඕනේ ) , ලංකාවේ බඩු මිල ( පාන් එකකුයි බටර් කාලකුයි කීයක්ද කියල දන්නවද ) , දේශපාලනය ( සිල්වාගේ පුතා ..) , රටේ දියුණුව ( පාරවල් ටික නම් හැදෙනවා )..

ඒ අස්සෙන් සංවිධායක මඩුල්ලට බරපතල චෝදනාවකි

" මචන් මේක ශ්‍රී ලන්කන් තීම් කියන්නේ කොහොමද ප්ලේන් ටී එකක් නැතුව "

කතාව ඇත්තය . පරිප්පු පොල් සම්බෝල තිබුනට , ශ්‍රී ලාංකික වීමට ප්ලේන් ටී එකක් අත්‍යාවශ්‍යය