සියල්ලටම පෙර ....|| In the beginning there was

1980 දී Geert Hoftstede  ඇමෙරිකානු සඟරාවකට ලිපියක් ලිවිය. එහි අපුරු පරීක්ෂණයක නිරීක්ෂණයන් අඩංගු විය . ඔහු ලිපිය පුරාවට යත්න දැරුවේ රටක සංස්කෘතිය අනුව  යම් ආයතනයක නායකත්වය හා  දිරිදීමේ ක්‍රමයන් වෙනස් විය යුත්තේ කෙසේදැයි අවබෝධ  කර ගැනීමටයි. ඔහු එක ප්‍රශ්නයක්  ඇසුවේය . එනම් "In the beginning there was ...."    (  සියල්ලටම පෙර .......තිබුණි)  යන වාක්‍යයේ හිස් තැන පිරවීමටයි .

පිළිතුර සපයන්නාගේ ජාතිකත්වය අනුව ඔහුට විවිධ පිළිතුරු ලැබුණි.

ඇමෙරිකානු -    වෙළඳපොල 

ප්‍රංස - බලය 

ජර්මානු - පිළිවෙල 

රුසියානු - කාර්යක්ෂමභාවය 

නෙදර්ලන්තය - එකඟතාවය

නොර්වේ - සමානාත්මතාවය 

එංගලන්තය -ක්‍රමය , සැලැස්ම (system )
චීනය - පවුල 

ජපානය - ජපානය 

රටක පොදු අනන්‍යතාවයට (common identity )අනුව මේ පිළිතුර වෙනස් වෙන බවයි ඔහුගේ නිගමනය වුනේ .

ඉදින් ලාංකිකයන් හැටියට , උපන් පළාතේ හැටියට , ඉගෙන ගත් තැනෙ හැටියට අපි මේ ප්‍රශ්නයට කෙසේ පිළිතුරු දෙමුද ? අපේ සාමුහික අනන්‍යතාවය (collective identity) කෙසේ වේද ? 

මම කැමතියි ඔබේ පිළිතුරු දැන ගන්න .කරන්න තියෙන්නේ මෙච්චරයි . මේ වාක්‍ය සම්පුර්ණ කරන්න තමයි තියෙන්නේ ." සියල්ලටම පෙර .......... විය ". හැබැයි හිස්තැන පුරවනකොට, ජාතිකත්වය , ප්‍රාදේශිකත්වය , සහ අනෙකුත් බෙදීම් සහ  ඇතුලත්වීම් (divisions and affiliations) ගැන හිතන්න ඕනේ ..

 අර පරණ පරීක්ෂණය ලාංකික නියදියක කරලා නිරීක්ෂණය කරමු .

(රතු රජරට ඔබේ ප්‍රතිචාරයට ස්තුතියි . ටිකක් විස්තර එකතු කළා)

පහත දැක්වෙන්නේ ඇතැමුන්ගේ  එවැනි පිළිතුරු කිහිපයකි 

හෙළය , රාවන රාජ්ජ්‍යය , බුද්ධාගම , සාමය , කේතුමතී නුවරක් ,  දෙවියන් වහන්සේ , nothingness ,  The big bang , හිත , වැද්දෝ , ආච්චිගේ රෙද්ද , 

ආරාධනා කරමි දක්වන්නට ප්‍රතිචාර