02 April 2017

යක්කුන්ටත් කුක්කු පෙව්වේ...... කෙලින් හිටවලා

කඩ පේලියේ කොනේම , බෝඩ් ලෑල්ල ඊස්ට්මන් වර්ණයෙන් . කිව්ව හැටියට මෙතන තමයි තැන . ... ඇඩ්ඩින් ඇඩ්වටයිසින් ..ඔය තියෙන්නේ බෝඩ් එකේ ගහලා 

" ආ එන්න ඇතුළට , කාවද බැලුවේ "

" මිස්ට ඇඩ්ඩින් ..??"

" ඔව් ඔව් මම තමයි , මොනවද කරගන්න ඕනේ ?"

මම මේ දැන්වීමක් හදා ගන්න කියලා 

ඔව් අපි ඒවා තමයි කරන්නේ .. ප්‍රින්ට් මීඩියාද , රේඩියෝද , ටීවී විසුවල් ද 

ටීවී එකේ පෙන්නන්න තමයි 

හරි .. මොකක්ද ප්‍රෝඩක්ට් එක 

අපි මේ අලුත් කිරි පිටි ජාතියක් වෙළඳ පොලට දාන්න කියලා .

කිරි පිටි නම් ඉතින් විකුනන්න ඉතින් එක්කෝ ළමයි පෙන්නන්න වෙනවා නැත්නම් අම්මලා පෙන්නන්න වෙනවා .

ඇත්තටම මම අහන්න හිටියේ ඇයි මේ එළදෙනුන්ගේ කිරි එළදෙන පෙන්නලා විකුනන්න බැරි කියලා 

ගොන් ප්‍රශ්න අහන්න එපා
එහෙම නෙමෙයි, හැම කිරි ජාතියක්ම විකුනන්නේ අම්මලා , ළමයි නැත්නම් , නැන්දම්මලා පෙන්නලානේ .. අපිට ඕනේ අලුත් කොන්සේප්ට් එකක් ..


ඉතින්   සේක්සුඇලිටි , දුක කියන්නේ තාමත් හොඳට විකිණෙන  කොන්සේප්ට් නේ 

ඊට වඩා විකිණෙන කොන්සේප්ට් එකක් නැද්ද 

ඔහේගේ වෙලාව හොඳයි .. මං ගාව තියෙනවා එළකිරි කොන්සේප්ට් එකක් , බ්‍රෑන්ඩ් නිව් . .. ඔන්න ඇස් දෙක වහ ගෙන හිතෙන මවා ගන්න ... 

මහා දුක්මුසු , ජාතික සෝක දිනවලට රේඩියෝ එකේ යන , සිතාර්  මියුසික් එකක් එක්ක ඔන්න විසුවල් එක පටන් ගන්නකොටම පොඩි එකෙක් ඉන්නවා ලෙඩ ඇඳක . ... අම්මලා ආච්චිලා පොඩි එකාගේ ඇඳ වටේ... අම්මා  බිස්කට් එකක් කවන්න හදනවා , පොඩි එකා කන්නේ නෑ , ඔලුව අනෙක් පැත්තට හරවා ගන්නවා ..ආච්චි ඔරේන්ජ් ජූස් එකක් ගේනවා . කොල්ලා බිත්තිය  පැත්තට හැරෙනවා  .. කොල්ලාගේ අප්පච්චි ඉන්නවා ඈතට වෙන්න බෙල්ලේ තුවායක් පටලාගෙන .. එක පාරටම කැමරාව බිත්තියට යොමුවෙනවා . බිත්තියේ නිකන් පොඩි එකෙක්ගේ අකුරු වලින් ඇඳපු  බෝඩ් එකකට ෆ්‍රේම් එක යනවා " මහා මාරාන්තික වගේ උපවාසය " .. වටේ මිනිස්සු කතා කරන සද්දේ පොඩ්ඩක් ලාවට ඇහෙනවා 

"මොකුත්ම කන්නේ නෑ  කියන්නේ ... ඔහොම ගියොත් කොල්ලා මැරෙයිද ..." මිනිස්සු කතා කරනවා ඇහෙනවා නිකන් ලාවට වගේ හොඳේ 

අනේ මන්දා ඕක ගැලපෙයිද කියලා , මේ කිරි විකුනන්න

ඔහොම ඉන්නවකෝ  කලබල නොවී ..ඇස්  දෙක වහගන්නවා කෝ තව ටිකක් .. ඔන්න එකපාරටම හේවිසි  සද්දයක් එනවා  . එක පාරටම අර පිරිස මැද්දෙන් හාමුදුරු කෙනෙක් එනවා කිරි වීදුරුවක් අරගෙන . .. පොඩි එකා නැගිටලා බොනවා .. අම්මයි ආච්චියි හාමුදුරුවන්ව බදා ගන්නවා 

ලොක්කා මේ ..ඕක හරියන්නේ නෑ ..හාමුදුරුවෝ බදා ගන්න ..පිස්සුද ඕයි... 

හරි එහෙනම් ඒ කෑල්ල කපමු ..හැබැයි ඉතින් ආච්චිලා අම්මලා හාමුදුරුවෝ බදාගෙන තමයි ගොඩක් තැන්  වල ඉන්නේ .. කමක් නෑ ඔහේගේ කැමැත්තක්, ඔහෙනේ කස්ටමර්  ..ඊට පස්සේ ඊළඟ විසුවල් එක කිරිවීදුරුවක් , බැක් ග්‍රවුන්ඩ් එකේ ලෙලදෙන සිංහ කොඩියක් .. සිංදුවත් එක්කම ටැග් ලයින් එකක් ලියවෙනවා 

අපි යක්කුන්ටත් කුක්කු පෙව්වේ 
කෙලින් හිටවලා 
මල්ලි , කෙලින් හිටවලා  

..  කොහොමද ?

මේ මම දැන් ඇස් දෙක අරින්නද ?



පලි : හාමුදුරු කෙනෙක් කිරිපොවා උපවාසය නවත්වයි... එහෙමයි පත්තරේ තිබ්බේ . මේක තල කීපයකින්ම කිරිමිනෙල් කේස් එකකි . මා මිතුරෙක් මේ ගැන කිව්වේ වාහන අවභාවිතා කළ එකා , හාමුදුරුවෝත් අවභාවිතා  කරලා කියලාය . 

 අයෙක් කීවේ බුද්ධාගම දැන් දේශපාලකයින්ගේ , ධනවත් මිනිසුන්ගේ ආයුධයක් වෙලා කියලාය. ඒ කතාවේ ඇත්තක්  නැත්තේම නැත . නමුත් බුද්ධාගම හැම දාම ධනවත් මිනිසුන්ගේ ආගමක්ව තිබුනා නොවේදෝ කියා විටෙක සිතේ   . අනේපිඬු සිටු ගේ සිට ටයිගර් වුඩ්ස් දක්වා බිල්ගේට්ස් දක්වා , ධනවාදයේ කෙළට ගිය අය,   හිතට සැනසුම හෙවත් හයි එකක් ලබාගැනීමට ඉන් පසු ලංකර ගන්නේ නිරාමිස බුද්ධාගමයි. තම ධනය රැස් කිරීමේදී කළ  පව් සෝදා ගැනීමට වතුරට දිය කරන්නේ බුද්ධාගමයි . එක අතකින් බිල් ගේට්ස්ට එය වැරදි නැත්නම් , වීරවංශට එය වැරදි වන්නේ කෙසේදැයි කියාද සිතේ .

13 comments:

  1. Replies
    1. බබාලන්තයේ වික්‍රම

      Delete
  2. කොහෙන් මේව ඔළුවට එනවද මන්ද? මරු ලිපිය.

    ReplyDelete
    Replies
    1. නිර්මාණ නිමිති නම් හැම තැනම

      Delete
  3. Replies
    1. කිරි? ? :)

      ස්තුතියි

      Delete
  4. ඒ කියන්නේ පිරිත් පැන් වලට වඩා

    ගොන් කිරි පවර්පුල්... :)

    ReplyDelete
    Replies
    1. ඌරන්ට මොන සෞඛ්‍යයද 2.... හරකුන්ට මොන ... එක්කෝ ඕනේ නෑ

      Delete
  5. Milk of human kindness අහල ඇතිනේ?
    ඒවගේම milk of human gullibility?

    ReplyDelete
    Replies
    1. ටැග් ලයින් එකකුත් හම්බු උනා

      .....ගුඩුස් ගුඩුස් ගාලා ගිලින්න ... පට්ටි දෙනුන්ගෙන් කෙලින්ම

      Delete
  6. Replies
    1. ස්තුතියි

      Delete

Have commented