18 June 2017

ස්ටින්ග් , පියවරුන්ගේ දිනය සහ රැවුල බාද්දී පෙනෙන්නේ කාවද

මැදිවියේ අයෙක් 
අරුණැල්ලට පෙර  ලොවට හොරෙන් ,  
එබෙද්දී  කැඩපතකට බිඳුණු 
 බ්ලේඩ් තලයකින් සූරා දමනට 
 දෙකොපුල් නිකට පුරා නැගී සුදු රැවුල් කොට  
දකීද ඔහු කුමක් නම් ?

පෙනේන්නේ ඔහුට 
තම පියාගේ හොල්මනද 
කාලයේ වැල්ලේ වැළලුනු ? 
නැතිනම් කොලුගැටයා ද 
ගැටවර 
සෙනෙහ කොළ මතකයක සිරවුණු 

නැතිනම් 
හෙවනැලි ද 
 දිගැරුණු 
හිතක අහුමුලු දිගේ
නැතිනම් 
ආත්මයේ කඩතොළු වල ම රැඳී 
සියලු බිය සංකා 
සම්ප්‍රයුක්තයම වෙද ?

බැල්ම හිරවුණු 
හකු පුඩු දිගේ  
වියපත්  රැවුල් කොට වලම 
අමතක වුනු 
පළමු සික්ඛා පදයම 
යථාවාදී අත්පොත් 

අයෙකුට පවා 
ඒවී දවසක් 

ගැහෙද්දීත්  හදවත 
මුහුණ දෙන්නට 
බුර බුරා නැගී බියෙන්ම 
දෑස් ඔසවා බලන්නට 
චායාව කැඩපතේ
දකින්නට 
කඳුලැල්ලක් 
විස්මිතව  

හීන නම් ජීවිතයක 
හිම මෙනි 
සිසිරයේ රැයක වැටි 
වසා මිහිතලම 
සඳ කැන් දහරින් දිලිසෙන 

ඒත් අරුනැල්ලේ  
දියවේමය 
හිම නම් 

ගෝඩන් මැතිව් තෝමස් සම්නර් හෙවත් ස්ටින්ග් කියන්නේ මගේ ප්‍රියතම  ගායකයෙක් . මුල් කළ ඔහු නිර්මාණවල ඇති පොප් සංගීතයෙන් මිදුනු , ඔහුගේ වියපත් හඬ , කාව්‍යමය පද වැල් මා හද වඩාත් ඇද බැඳ ගෙන .   

She loves someone else කියන්නේ මා ප්‍රියතම ගීයක් . 

පද පේලි සිංහලට පෙරලන්නට පටන් ගෙන ටිකක් දුර යද්දී නොදැනීම  ,පද මූට්ටු වෙලා මොකක්දෝ වෙන අර්ථයක් එන විදියට . අද පියවරුන්ගේ දිනය හින්දද මන්දා  .

විනාඩියක් දෙකක් අරන් මේ ගීතයත් අහන්න 




2 comments:

  1. ඒ කවිය මරුවට කරල තියේ
    සිංදුව නං අහන්න වෙලා නැතෝ

    ReplyDelete
  2. පස්සේ වෙලාවක හරි අහන්න

    ReplyDelete

Have commented